من البداية للنهاية كيف تفهم عمر بطارية الطاقة الشمسية وتحافظ عليه  

من البداية للنهاية كيف تفهم عمر بطارية الطاقة الشمسية وتحافظ عليه

متابعاات-مرآة السودان

🔋 كيف تعرف عمر البطارية؟

1️⃣ عمر البطارية قبل الشراء

2️⃣ عمر البطارية بعد الشراء

1️⃣ عمر البطارية قبل الشراء

يتحدد عمر البطارية قبل الشراء بعدد الدورات (Cycles).

يعني أول ما تجي تشتري بطاريتك، لازم تطلب حاجة اسمها Data Sheet أو تسأل التاجر/الشركة عن عدد الدورات.

عشان تكون عارف بطاريتك دي بتقعدك زمن قدر شنو قبل ما تشتريها.

🔸 الدورة الواحدة تعني: شحن البطارية 100% ثم تفريغها بالكامل.

مثلاً:

لو السنة فيها 360 يوم، والبطارية بتقعد 400 دورة 👉 معناها عمرها سنة و40 يوم تقريباً.

ولو كانت 800 دورة 👉 معناها سنتين وشهرين.

لكن في شروط أساسية لازم تعرفها عشان تاخد العمر الحقيقي المذكور (400 أو 800 دورة 👇).

2️⃣ عمر البطارية بعد الشراء

⚙️ 1. الالتزام بعمق التفريغ (Depth of Discharge)

يعني تفرغ البطارية بنسبة معينة وتخلي فيها جزء محفوظ:

تفريغ 100% 👉 يعني تفرغ البطارية بالكامل. أغلب الشركات بتقول عمرها حوالي 200 دورة (6 شهور) فقط.

تفريغ 80% 👉 يعني تخلي فيها 20%، ودي بتعيش من 400 إلى 800 دورة (سنة إلى سنتين).

الفرق بسيط في الاستخدام، لكن كبير جداً في العمر!

والميزة حالياً إنك ممكن تضبط الانفرتر بنفسك على نسبة التفريغ المناسبة.

✅ الخلاصة:

إنت البتحدد عمر بطاريتك بنفسك!

🌡️ 2. الالتزام بدرجات الحرارة المناسبة

خلي البطاريات في درجات حرارة معتدلة – يعني لو الغرفة خانقة وساخنة، إنت ما بتتحملها، والبطارية برضو ما بتتحملها.

🚫 لا تخليها في:

تحت الدرج (بير السلم)

غرفة مقفلة بدون تهوية

داخل الكرتونة

📦 الكرتونة ما بتحافظ على البطارية، بالعكس بتحتبس الحرارة والرطوبة!

⚡ 3. الالتزام بالحمولة المحددة لكل بطارية

من أهم الشروط!

ما ممكن تشغل البيت كله على بطارية 100 أمبير، دا بيقلل عمرها شديد.

قبل تشتري، لازم تعرف شنو البطارية بتشغلك وقدر شنو بتستحمل.

أمثلة عملية:

🔋 بطارية 100Ah تشغل 80W لمدة 12 ساعة

🔋 بطارية 200Ah تشغل 160W لمدة 12 ساعة

🔋 بطارية 5k LiFePO4 تشغل 400W لمدة 12 ساعة

🔋 بطارية 10k LiFePO4 تشغل 800W لمدة 12 ساعة

🔋 بطارية 15k LiFePO4 تشغل 1200W لمدة 12 ساعة

💡 الحمولات بتقدر تشوفها من شاشة الانفرتر في قسم مكتوب عليه:

Load (W) — يعني الاستهلاك بالواط.

🔎 قراءة جهد البطارية

بعض الناس بتعتمد على الخطوط (3 أو 4 خطوط)، لكن دا تقديري فقط.

الأدق هو قياس الجهد (Voltage) 👇

🔹 البطارية الجافة:

أقصى جهد: 13.5V (مليانة)

أقل جهد: 11V (فاضية)

🔹 البطارية السائلة:

أقصى جهد: 14.6V

أقل جهد: 11V

🔹 بطارية الليثيوم:

أقصى جهد: 14.6V

أقل جهد: 11V

—

⚡ أعمال زقل للطاقة الشمسية

عثمان العالم

📞 0116969197

📞 0901339862